Масъалаҳо барои ҳалли мустақилона

     1. Маълум аст, ки суръати реаксияи ферментӣ ба консентратсияи фермент мутаносиби роста аст. Амилазае, ки дар 50 мл маҳлули 0,1% мавҷуд аст, 100 мл маҳлули 0,3%-и крахмалро дар ягон муддати вақт ҳидролиз мекунад. Консен тратсияи ферментро чанд маротиба зиёд кардан лозим аст, ки он 150 мл маҳ лули 1,2%-и крахмалро дар ҳамон муддат ҳидролиз намояд?
Ҷавоб: 6 маротиба.
     2. Маркази фаъоли фермент гурӯҳҳои аминӣ дорад. Муайян намоед, ки ин фермент бо кадом субстратҳои зерин таъсири мутақобил мекунад: R—NH₂, R—COOC₂H₅, R—COOH, R—N(CH₃)₂.
Ҷавоб: R—COOH.
     3. Барои баланд бардоштани устувории пиридоксин онро ба шакли хлор ҳидрати пиридоксин C₈H₁₁NO₃•HCl мегузаронанд. Консентратсияи маҳлули хлорҳидрати пиридоксинро муайян намоед, агар барои нейтрал кардани НС1 и дар 50 мл маҳлул буда 2,5 мл маҳлули 0,1 М NaOH сарф шавад. Зичии ҳамаи маҳлулҳоро баробари 1 г/см3 гиред.
Ҷавоб: 0,1%.
     4. Талаботи шабонарӯзии одам ба витамини B₃ 10 мгро ташкил мекунад. Ҳамин миқдор витамин дар чӣ қадар помидор мавҷуд аст, агар витамин 0,001%-и помидорро ташкил диҳад?
Ҷавоб: 1кг.
     5. Миқдори кислотаи аскорбинатро дар гелос муайян кунед, агар барои оксидшавии кислотаи аскорбинате, ки дар 100 г гелос аст, 3 мл маҳлули 0,1%-и KIO₃ (р = 1,1 г/см3) сарф шавад.
Ҷавоб: 0,0074 г.